Maiatzaren 7an, Itsas Herria programazioaren barruan, aukera paregabea izango duzu Hondarribiko Lonja barrutik ezagutzeko.

Bisita honetan arrainak egiten duen ibilbidea ezagutuko dugu: arrantzaleek portura iritsi eta harrapaketa lonjan deskargatzen duten unetik, arraina arrandegietara iritsi arte. Lonjaren funtzionamendua eta portuko eguneroko jardueran duen garrantzia gertutik ezagutzeko aukera izango dugu.

Gainera, arrantzale jubilatu baten testigantza izango dugu gurekin. Berak itsasoan bizitako esperientziak partekatuko dizkigu: nolakoa zen ontzian eguneroko lana, nola aldatu den arrantzaren mundua urteekin, eta zer den bizitza osoa itsasoari lotuta bizitzea. Solasaldi irekia izango da, eta nahi duenak galderak egiteko aukera izango du.

Bi txanda egongo dira:
🕖 09:00etan
🕤 11:00etan

📍 Erreserbak webgune honen bidez.