Arrainari eta elikadurari buruz gehiago jakiteko gonbita egiten dizuegu Gabriela Uriarterekin. Dietista-nutrizionista da, elikadura-portaeran, elikadura-jokabidearen nahasmenduetan (EJN) eta elikadura intuitiboan espezializatua. Centro GU klinikaren sortzailea ere bada; bertan, dietarik gabeko ikuspegitik eta ongizate integrala ardatz hartuta egiten du lan.

Duela zazpi urtetik, ETB2ko A Bocados sukaldaritza eta nutrizioari buruzko eguneroko programaren aurkezlekidea da. Penguin Random House argitaletxeak argitaratutako bi libururen egilea da, eta Al salir de consulta podcastaren sortzailea eta aurkezlea.

Nutrizioa ulertzeko duen moduak ebidentzia zientifikoa eta eguneroko bizitza uztartzen ditu. Jaten dugunaz gain, elikadurarekin dugun harremana eta gure erabakiak hartzen ditugun testuingurua ere jartzen ditu erdigunean.

5 saio, hiru toki desberdinetan. Animatu eta gozatu gure arrainez familian!

Ordutegia: 18:00etatik 19:00etara.

Hitzaldien datak

Azaroak 9: Kofradia Itsas Etxean. Kokapena

Azaroak 30: Getarian, Zarautz Jauregian. Kokapena

Abenduak 14: Hondarribian, Done Pedro Arrantzaleen Kofradian. Kokapena

Urtarrilak 28: Tolosan. **Lekua baieztatzeke.

Otsailak 25: **Lekua baieztatzeke.

Hitzaldi bakoitzean, helduentzako amantal bat eta haurrentzako beste bat zozketatuko dira.

1 // «Haurdunaldia, edoskitzea eta haurtzaroa: arraina beldurrik gabe»

Arrainaren nutrizio-onurak, elikadura-segurtasuna, merkurioa, anisakisa, arrain gordina edo ketua, haurdunaldia, elikadura osagarria, hezurrak… Mitoak eta zalantzak ebidentzia zientifikoan eta eguneroko bizitzako aplikazio praktikoan oinarrituta argitzeko hitzaldia.

2 // «Arraina familian: “jan egin behar duzu” esatetik “elkarrekin ikasiko dugu jaten” esatera»

Nola sortzen dira elikadura-lehentasunak haurtzaroan?

Hitzaldi honetan, Gabriela Uriartek haurrei arraina jaten ikasteko prozesuan nola lagundu azalduko du, helduen ereduaren eta arraina behin eta berriz eskaintzearen garrantzia azpimarratuz. Etxean arraina nola aurkeztu, formatu eta testura desberdinak probatzearen garrantzia eta txikienak sukaldean nola inplikatu aztertuko ditugu.

Familian arraina ezagutu, probatu eta harekin ohitzeko aukerak sortzen ikasteko hitzaldia, «jan egin behar duzu» esatetik harago joateko.

3 // «Zer arrain aukeratu? Astean zenbat aldiz jan behar da? Zer kantitate dagokio adin bakoitzari? Freskoa, izoztua ala kontserban?»

Hitzaldi honetan, Gabriela Uriartek arraina erostera doazenean familiei sortzen zaizkien zalantzak argituko ditu, modu praktikoan. Arrain zuriaren eta urdinaren arteko aldeez, kontsumo-maiztasunaz, adinaren araberako errazioez, omega-3 gantz-azidoez eta merkurioaz hitz egingo dugu. Haurtzaroan eta haurdunaldian zein arrain lehenetsi eta zein mugatu ere aztertuko dugu.

Arrain freskoaren, izoztuaren eta kontserbakoaren arteko aldeak eta aukera gastronomikoak ere landuko ditugu, arraina aukeratzeko eta familiaren elikaduran txertatzeko irizpide argiak izan ditzagun.

4 // «Itsasotik platerera: nola txertatu arraina eguneroko elikaduran»

Kofradiarekin lotura estua duen proposamena da hau. Bertako produktua, sasoiko arraina, hurbiltasuna eta gastronomia-kultura izango ditu ardatz, baina familien eguneroko errealitatera eramango ditu: erosketa, kontserbazioa, prestaketa errazak eta eguneroko kontsumoa.

5 // «Nire seme-alabak ez du arrainik jaten: eta orain zer?»

Zer egin arraina platerean jarri eta haurrak irmo «ezetz» esaten duenean?

Hitzaldi honetan, Gabriela Uriartek haurtzaroan arrainari uko egiten diotenean haurrei nola lagundu azalduko du, presiorik, xantaia emozionalik eta arraina ezkutatzeko trikimailurik erabili gabe. Adin bakoitzean zer jokabide diren ohikoak, arraina behin eta berriz eskaintzea eta harekin ohitzea zergatik diren garrantzitsuak, eta etxean elikagai horrekin harreman naturalagoa sustatzeko zer egin dezakegun aztertuko dugu.

Ikuspegi praktiko eta errespetuzkoa, jaten ikastea ere prozesu bat dela ulertzeko. Izan ere, dena ez da konpontzen platerean dagoen guztia jatea lortuta.

Gabriela Uriarteren biografia

Gabriela Uriarte dietista-nutrizionista da, elikadura-portaeran, elikadura-jokabidearen nahasmenduetan (EJN) eta elikadura intuitiboan espezializatua. Centro GU klinikaren sortzailea ere bada; bertan, dietarik gabeko ikuspegitik eta ongizate integrala ardatz hartuta egiten du lan.

Duela zazpi urtetik, ETB2ko A Bocados sukaldaritza eta nutrizioari buruzko eguneroko programaren aurkezlekidea da. Penguin Random House argitaletxeak argitaratutako bi libururen egilea da, eta Al salir de consulta podcastaren sortzailea eta aurkezlea.

Nutrizioa ulertzeko duen moduak ebidentzia zientifikoa eta eguneroko bizitza uztartzen ditu. Jaten dugunaz gain, elikadurarekin dugun harremana eta gure erabakiak hartzen ditugun testuingurua ere jartzen ditu erdigunean.

1// “Embarazo, lactancia e infancia: pescado sin miedo”

Beneficios nutricionales, seguridad alimentaria, mercurio, anisakis, pescado crudo o ahumado, embarazo, alimentación complementaria, espinas… Una charla orientada a resolver mitos y dudas desde la evidencia y su aplicación práctica.